GEM+EasonXJoey演唱會 奉公守法影評

<補加>
精彩11月
80 B+
無野睇搵野黎睇 (其實好多野做... 但總是忙裡偷閒=] 不然人生有甚麼樂趣)
看了影評不錯就去看看
結果比想像中還要好睇
故事講述男主角比狂途入屋殺全家
犯人卻因司法制度漏洞獲得輕判
多年後佢自我鑽研成謀略及法律天才
誓要為過去報復
挑戰腐壞的法律制度
大律司力克當年接管該案件
今天亦要負上應府男主角的責任
劇情比想像中還要刺激
男主角直情變成神咁勁
一切都在他的神機妙算當中..
力克的自大令佢初頭多番棋差一著...
唔洗虎膽龍威的特技
但一樣咁好睇
有驚喜
雖然我覺得結局不太算有意義
不見得男主角想改變司法制度的有任何成果
而汽車爆炸一幕亦在預期之內
但綜觀全片還是值得一看

晚上再去睇GEM18LIVE演唱會
第一次一星期內睇2次演唱會 Live Music真係好正
阿GEM如果無咪咀
佢一定係好有中氣
首首歌大都大呀
睇到個個HIGH晒叫女神
不過有一兩part全快歌又唔係太識d歌變左悶場
阿GEM因為唔係太多歌所以成日換衫返後台..
嘉賓就竟然得側田一個..
前後幾個大呀「隻揪」「除帽」
勁攪笑
雖然Stephy先係我女神
但有機會都會再去睇阿GEM~
希望下次有更多好歌
出道一年得18歲就有3場演唱會
其實阿GEM都算high-flyer

</補加>

跟住落黎應該超忙直到12月中
所以寫定返先~

唉 唔係written test就interview就online applications online numerical tests
搵工真係晒好多時間
仲要應付日文考試、吉他同埋n樣project deadlines真係人都顛
實質仲慘過耕田或者軍訓
起碼衣兩樣有得訓

眼見一大部份大學朋友都已畢業
換來唏噓寂寞伴我最後一年大學生活



詳細facebook album: http://www.facebook.com/album.php?aid=120826&id=727807332&l=12744bb5c5

多謝幫我慶過生日既朋友
人越大越少真朋友
除左朋友外...
今年商戶都比左唔少野我...
I.T.既生日73折優惠
UA Loyalty Club既生日戲飛..
仲有Smartone既驚喜- 1個真係價值300蚊既COVA生日蛋糕@.@

尋日去左期待已久的<Manhattan 903id club 陳奕迅X容祖兒演唱會>
但竟然沒有唱<1874>
不過有幾首自己衣兩三年好鐘意既歌交換唱左
eason唱了<搜神記>
joey唱了我迷上了很久的歌<月球上的人>
反而佢地合唱真係勁少
喺度互相聽對方唱 勁攪笑

電影制式?! 35mm/70mm/數碼版/IMAX版

     鳴謝: 晞提供資料，及台灣in89豪華數位影院、美麗華IMAX影院、香港Grand Cinema、百老匯戲院、http://www.deadline.com/hollywood/is-imax-digital-scamming-moviegoers等的網站

搵資料搵到我傻左haa
不介意大家補充或轉載~

好了
夠鐘講返自己野..
今個星期去了新宿人compulsory要去看的performance
一個是文化中心上的歌劇<魔笛>、另一個是大會堂的話劇<敦煌。流沙。包>
就咁聽落去當然前者吸引d
話晒都係一級歌劇
個時係維也納無機會睇到
加上在倫敦看<Sound of Music>極為感動震撼
結果大失所望
原來<魔笛>係悶咁多的
無咩劇情可言
惟一有觸動到我既就係其中一段我以前學小提琴拉過...
好彩唔洗錢睇
反而<敦煌流沙包>係堅野
咪睇個名同劇情同有少少kai kai地
無厘頭將衣3樣野拉埋一齊講
其實入面好多野帶出同反思
人生的空虛
確實是窮一生精力去找尋也沒能填補
加上套野唔少笑位
至少唔洗魔笛咁睇到差d訓著
演員亦演得比我想像中好
overall個制作唔錯
可惜香港人一向無咩文化
唔係超出名既戲劇根本唔會坐滿
眼見前面幾行空位
相對於咩咩名星演唱會一開賣就炒飛爭飛
為演藝業界悲哀


努力搵GRAD JOB中...
我知道我的路途不是那麼容易...
也期待<陳奕迅X容祖兒>和<GEM18LIVE>演唱會
(雖然GEM隻新碟真係麻麻 roomate講得岩.. 太多minor歌 minor歌唔係首首可以作得好聽 攪到有d悶 快歌有幾首又得個嘈字)

在死亡週寫網誌
感覺就像自己一邊打字一邊還在睡覺當中..

80B+
上星期看了<心跳五百天>和亞洲電影節<愛之剝脫>
前者明顯是用男孩子的心態去寫
所以女孩子看是比較沒感覺吧
但很多男性友人看了後卻很感觸
從前的社會是不是男性比較強多呢?
只知道現在男性在感情世界裡很多時候也變成輸家
不單是因為女性在社會的地位越來越高
也可能是電腦令太多男生毒了
面對自己心儀的女生往往只能喊一聲女神便自我收皮
不懂魔術幽默玩心理
沒有豪宅遊艇私家車
還是遜色一點吧?
高傲的女生都把一般男生變成手中玩物
欺騙和自我
成為了電影背後所帶出的感情規律
還是那一句
沒找到真正的伴侶就不要把心栽進墳墓裡爬不起來
94A
後者是一套四小時英文字幕的日本電影
起初怕會有冷場或悶場
但實在比想像中太太太好看了
故事講變態
每個變態背後都有一個故事
一個沉溺於性不能自拔的神父
一個為了應付神父老豆強迫每日認罪而變成偷拍狂的孩子
另一個沉溺於性開放的女人 只求開心
一個長在沒有愛 只有淫亂老豆的單親女孩 從此不相信男人
一個自少被虐打 說是要承認原罪然後 卻變成邪教領導的女孩
要將五個人巧妙地串連在一起
要將成魔之路逐層遞進的解構
正是這電影的精粹
不理你看內容簡介覺得很KAI
它就是說得很認真 觸動人心
為了加強刻力和真實性
但片中有不少極度暴力及輕度色情片段 不適合怕血的觀看
片名「愛的剝脫」不是在說剝衫剝褲
而是想我們反思甚麼才是真正的愛
不是為了性 不是為了溫馨 不是為了自己

分別用積分換和買了<陳奕迅X容祖兒>和<GEM18LIVE>演唱會飛
另外屈機災難片<2012世界末日>
將會是11月中生日週的重頭戲XD
另外很期待今年聖誕檔期阿凡達 (IMAX 3D版) 和魔幻聖誕頌 (IMAX 3D版)

11月5日in我第一份grad job
好驚
好彩仲未有咩家庭財政要負擔
不過我都想快d買定層樓
哈哈

九、十月記事

讀了四年書..
月頭才第一次跟朋友去了科大校園內的惟一酒吧 (其他學校是很多還是沒有?)
第一次玩了飛標
原來飛標是那麼好玩的= ="

中秋過後便接二連三的期中考試和一大堆口頭報告
害得我打網誌的餘興都灰飛煙滅
當然
華南城(1688.HK)大蝕都係灰左既一大原因


大家都過了一個挺有意義的中秋吧
我也頗滿意我的中秋節目
先是跟大學同學唱了整個下午的K
然後再到中同家裡的天台燒個烤
最後來回的士一起去看<偽能叛變>的午夜場
是一年一度啦..
中秋夜不在戲院看到半夜三四時絕不收手的樣子
 
79B
近幾年好像太多「機械人」、太多「叛變」
令到大家的期望也不再大
影評也處於中水平 沒有驚喜
但其實原來整套電影「偽能」並沒有「叛變」
反而是關於人性的反思
劇情在九十分鐘時間內也挺緊湊 (有人會嫌短吧? 但我就覺得科技故事反正都是作出來的謊話 不用太長來鋪排和解釋)
動作場面亦足夠
也沒有期望下是部好戲
個人喜歡這套多於真的玩機械人反骨的「智能叛變」

今天早上上IELM311想說服我們讀Engineering大學生怎重要
來講嘉賓身為創業家竟然說出對香港貧富懸殊很驚嚇、又怎數怎數政府資助大學生怎麼貴、
我們畢業後要繳交的薪俸稅卻是那麼少... 所以應該努力讀書回饋社會
又說甚麼工程企業像Google Microsoft聘請很多人 很有生產力般 炒股投資的就沒甚麼
我說呀.. 他根本就是沒商業概念的共產主義人士..
對 每天只有100港元用的人是很多很多
但我們在通宵達旦讀書的時候他們在玩遊戲機和泡女呀
再不就是根本兩手空閒靠政府公屋同綜緩養
有甚麼值得可憐?
我一向都不是太支持扶貧
雖然偶而看到第三世界國家的短片總有霋時感動
但試想想如果把這數以十憶計既人口都變成好像美國一樣的富俗人
地球資源會變成怎麼樣
世界本來就沒有公平
美國佔不夠全球5%人口卻釋放出全球35%的CO2 嚴重惡化溫室效應
難度要把非洲十億人口都變成像美國人一樣般的生活嗎?
那麼不難想像地球在十年內便可以歸西了
如果您說sustainability是應該每人平均分享地球資源
我卻肯定真的玩平均的話您必定叫苦連天
另一方面
由政府角度來看
薪俸稅低又沒有銷售稅本身就是香港的運作模式
目的當然是希望助長企業
最終由利得稅中收回
講者身為企業家好像自己也不明白般
不知他想怎麼樣
最後真的很想說香港是靠商業不是工程業囉..
如果唔係商業服務仲可以制衡得住大陸同印度
香港人早就一齊跳樓做乞衣了

尋日八卦去左聽周秀娜
成個過程都好鬼攪笑
真唔明讀哲學文化研究既人做咩咁鐘意樣樣攪到咁鬼複雜
相對商業的既吹水又現實
他們是吹水到極點的模範
他們吹水的字眼屈機到句句係優美文學
又將簡單的事加上很多花巧的字眼來弄得人聽完一頭汗
最後其實你知道他們只是想說一些老生常談
周秀娜會考得2分
唔期望佢有可能答到個d哲學人生問題 (但奇怪個talk係由理學院而不是文學院舉辦..)
但入左娛樂圈都一段時間
對答尚且得體


看來是時候緊張一下FYP和溫習日文的進度..